XX. mendeko Euskararen Corpus estatistikoa
Testuingurua
Udaltzainek adierazi dutenez, Tere Valiente izeneko andre bat esandako semaforo horren ondoan egoten omen da askotan, gorrian pasatzen diren auto guztien matrikulak hartzen.
Gero, komisaldegira joan eta gidarien kontrako salaketa aurkezten omen du.
Gaur eguerdian, esate baterako, hantxe zegoen Valiente andrea ikasleak eskolatik irten diren garaian.
Ikasleak espaloian zeuden bidea pasatzeko zain.
Halako batean, semaforoa gorri jarri da.
Aurrena zetorren autoa, ordea, gelditu beharrean, abiada azkartu egin du eta ziztu bizian pasatu du semaforoa.
Valiente andreak, jakina, papera hartu eta autoaren matrikula idatzi du.
Lehenago ere askotan egin izan du horrelakorik.
Joan den astean, hain zuzen, gidari bat auzitegira deitu zuten, haren salaketa bat zela medio.
Gidaria auzi gelan sartu zenean, Valiente andrearekin egin zuen topo.
Epailea batari eta besteari entzun ondoren, zer egin ez zekiela geratu zen.
Azkenean, froga garbirik ez zegoenez, zigorrik gabe bidali zuen gidaria.
Valiente andreak ez zuen, hala ere, horregatik etsi.
Hantxe segitzen du eguerdiero-eguerdiero semaforo ondoan, papera eskuan, gidari axolakabeen matrikulak hartzeko prest.
Eta, egia esan, haren lana ez da alferrekoa: gidari askok ezagutzen dute degoeneko emakumea eta hura ikusitakoan moteldu egiten dute abiadura.
Hortxe dago, hain zuzen, bere jokabidearen arrazoia.
Orain urtebete semaforo hartan harrapatu zuen auto batek Valiente andrearen semea, zauri larriak eraginez.
Joan den asteko epaiaren ondoren zailago egin zaio, ordea, lana.
Orain ez baita nahikoa salaketa aurkeztea.
Salaketa frogatu egin behar da orain, argazkiak erakutsiz edo lekuko gehiago ekarriz.
....(azken zatia)
salaketa:
udaltzain:
ziztu bizian:
artean:
auzitegi:
epaile:
axolakabe:
jokabide: